শুরমা ফারর খবর ছিলটি জবানে ছিলটর খবর
Related Articles
ꠍꠤꠟꠦꠐꠞ ꠎꠁꠉꠁꠘ ꠃꠚꠎꠤꠟꠣꠞ ꠀꠝꠟꠡꠤꠖ ꠉꠣꠃꠞ ꠉꠥꠘꠤ ꠒꠣꠈꠔꠞ ꠒꠣ. ꠛꠤꠜꠣꠇꠞ ꠖꠦꠡꠝꠥꠈꠞ ꠛꠣꠠꠤꠔ ꠒꠣꠈꠣꠔꠤꠞ ꠊꠐꠘꠣ ꠊꠐꠍꠦ⁕ꠡꠝꠛꠣꠞ ২৪ ꠘꠜꠦꠝ꠆ꠛꠞ ২০২৫ ꠞꠣꠁꠔ ꠡꠣꠠꠦ ৭ꠐꠣ ꠡꠝꠄ ꠖꠥꠁꠎꠘ ꠅꠚꠤꠞꠤꠍꠔ ꠒꠣꠈꠣꠁꠔ ꠔꠣꠘ ꠛꠣꠠꠤꠔ ꠢꠣꠝꠣꠁꠀ ꠛꠃ ꠚꠥꠠꠤꠞꠦ ꠅꠍꠞꠞ ꠒꠞ ꠖꠦꠈꠣꠁꠀ ꠒꠣꠈꠣꠔꠤ ꠈꠞꠦ,
ꠊꠞꠧ ꠇꠥꠘꠥ ꠛꠦꠐꠣꠝꠣꠘꠥ ꠘꠣ ꠔꠣꠈꠣꠄ ꠔꠣꠞꠣ ꠚꠄꠟꠣꠃ ꠒꠣꠈꠔꠞꠞ ꠛꠃꠞ ꠉꠟꠣꠔ ꠐꠣꠁꠐ ꠇꠞꠤ ꠖꠞꠤꠀ ꠒꠞ ꠖꠦꠈꠣꠁꠀ ꠡꠥꠘꠣ, ꠞꠥꠙꠣ ꠅ ꠘꠉꠖ ꠐꠦꠈꠣ ꠘꠤꠍꠦꠉꠤ,ꠁ ꠡꠝꠄ ꠟꠣꠉꠣ ꠞꠥꠝ ꠔꠘꠦ ꠢꠞꠥꠚꠥꠠꠤ ꠊꠥꠝ ꠔꠘꠦ ꠃꠐꠤꠀ ꠡꠛ꠆ꠖ ꠚꠣꠁꠀ ꠚꠣꠁꠜꠦꠐ ꠝꠣꠡꠐꠞ ꠀꠁꠍꠁꠘ ꠇꠤ ꠘꠣ ꠎꠤꠇꠣꠞ ꠇꠞꠟꠦ ꠒꠣꠈꠣꠁꠔ ꠃꠠꠣꠃꠠꠤ ꠇꠞꠤ ꠜꠣꠉꠤ ꠎꠣꠄ⁕ ꠛꠣꠖꠦ ꠒꠣꠈꠔꠞ ꠡꠣꠛꠞ ꠉꠦꠍ ꠕꠘꠦ ꠎꠣꠘꠣ ꠉꠦꠍꠦ ꠙꠦꠞꠣꠄ ৭ ꠟꠣꠈ ꠐꠦꠈꠣꠞ ꠝꠣꠟꠣꠝꠣꠟ ꠒꠣꠈꠣꠔꠤ ꠅꠁꠍꠦ⁕
ꠊꠐꠘꠣꠞ ꠛꠣꠖꠦ ꠁꠘꠤꠅꠘꠞ ꠌꠦꠀꠞꠝꠦꠘ ꠝꠢꠍꠤꠘ ꠝꠞꠔꠥꠎꠣ ꠌꠃꠗꠥꠞꠤ ꠐꠤꠙꠥ ꠄꠛꠋ ꠎꠁꠉꠤꠘ ꠕꠣꠘꠣꠞ ꠅꠍꠤ ꠎꠢꠤꠞꠥꠟ ꠁꠍꠟꠣꠝ ꠝꠥꠘ꠆ꠘꠣ ꠡꠞꠦꠎꠝꠤꠘ ꠖꠦꠇꠤꠀ ꠀꠁꠍꠁꠘ⁕ ꠙꠥꠟꠤꠡ ꠒꠣꠈꠣꠁꠔ ꠅꠈꠟꠞꠦ ꠗꠞꠣꠞ ꠟꠣꠉꠤ ꠅꠜꠤꠎꠣꠘꠧ ꠘꠣꠝꠍꠁꠘ⁕
