শুরমা ফারর খবর ছিলটি জবানে ছিলটর খবর
Related Articles
সিলটি ভাষা এবং সিলেটি জাতিসত্তা নিয়ে Mahbubul A Mazumder (ꠝꠣꠢꠛꠥꠛꠥꠟ ꠀꠣꠝꠤꠘ ꠝꠏꠥꠘꠖꠣꠞ) সাহেব উনার ফেসবুক আইডি থেকে একটি পোস্ট করেন। যা হুবহু তুলে ধরা হলো –
বরাক বেলির মানু, আমরা এমন এখ যাতি, যেরা নিঝর ফরিছএ লইয়া বড় বেকিআল। আমরা মনখএ হারি দুনিআইর বিথরে এখলা এখ যাতি, যেরা নিঝর এলাখাত, নিঝর বাঝার-আটঅ, ইছকুল-কলেঝঅ অফিশিয়েলি নিঝর মাইর-বাশা মাততাম ফারি না। আরঅ দুক অর খতা যে আমরা না শুশারে ছিলটি মাতি, না বাংলা মাত হিকতাম ফারি। আর লগে শরম ত আছেউ।
Google অ search খরিআ দেখবা, বেঝান হিশাব মতে 2025 শনঅ বরাক বেলি, তিফুরা, ছিলেট আর বিদেশঅ থাখরা শব মিলাইআ ছিলেটিরে মাইর-বাশা হিশাবে মাতরা মানর শইনকা ফ্রাএ (11.8 million বা এখ কুটি আট লাখ)। যেখানঅ মুনিফুরি মুটে (17 লাখ), বড় (14 লাখ) ওইআঅ তারা গমমেন্ট তাকি অফিশিয়েল শিকরিতি ফাইন, ইছকুল-কলেঝঅ হরুতাইন তে ফড়িতা ফারইন, অফিছ-আদালতঅ বেবআর খরতা ফারইন, ইবেন বিধান শবা বা লুক শবাত বুক ফুলাইআ বখতিতা দিতা ফারইন, আমরা এর তাকি বনচিত।
ছউক গুরাইলে দেখা যাএ, ইউরুফ, এশিআ বা আফ্রিকা মহাদেশঅ ইলা ইলা দেশ অখল আছে যেটাত এখ বাশায় মাতরা মানু গনিআ 5 তাকি 6 লাখ অইবা, মথিন তারা নিঝর বাশারে ছাড়িআ দিছইন না, তারার নিঝর ফরিছএ লইআ দুনিআইর বুকুত মাথা উছা খরিআ বাছিতরা।
আমরার নিঝর অত ফুরান লিপি (নাগরি), ফুথথি, হখল যাতর শব্দ, ফড়ম, ঝমীনঅর খাগঝ-ফাতি আর শবতাকি বড় জিনিশ, অত বড় এখ জনশইনকা থাখার বাদেঅ আইঝ আমরা আরখ বাশায় ইছকুল ফড়া লাগে, অফিশিয়েল খাম-খাঝ খরা লাগে। আইঝ বরাখ বেলির কুনঅ ফরিছএ নাই, বারে খেউ ছিনইন না… রাইজজর নাম আশাম, আর আমরা বেংগলি অইআ বাছিআর।।
[পোস্টটি সিলেটি নাগরিতে পড়তে লিংকে ক্লিক করুন]
